توجہ ہو !
الحمد للہ محمدیہ اسلامی مرکز اپنی دینی خدمات کے ساتھ ساتھ سماجی خدمات کو بھی اپنا فرض عین سمجھتے ہوئے اپنی روایت قائم رکھے ہوئے ہے
‏پاکستان میں سیلاب کی آفت ہو ، یا زلزلہ زدگان کے زخموں پہ مرہم رکھنا ہو ، افغان جنگ میں غرباء کے لئے ایمرجنسی ہسپتال کی امداد کی بات ہو ، اٹلی میں زلزلہ زدگان کی امداد کا سوال ہو، بریشیا میں غریبوں کی پناہ گاہ میں مالی معاونت کا معاملہ ہو یا اٹلی میں ضرورتمند پاکستانی فیمیلیز کی مالی معاونت پیش نظر ہو محمدیہ اسلامی مرکز ہمیشہ ہر بحران میں ہراول دستہ بنی رہی۔
‏آج جبکہ ساری دنیا کا ایک مہلک وائرس نے پہیہ جام کیا ہوا ہے بالخصوص اٹلی میں زندگی رک سی گئی ہے حکومت بے بس ہو کے رہ گئی ہے ہسپتالوں میں موت نے پنجے گاڑ رکھے ہیں ہسپتالوں میں جگہ نہیں رہی لوگ پریشان ہیں ۔ ہر طرف موت کے سائے ہیں ایسے حالات میں محمدیہ اسلامی مرکز نے اٹالین اداروں کے کندھوں سے کندھا ملا کے یہ ثابت کر دیا ہے کہ ہم کس قوم سے تعلق رکھتے ہیں سول ہسپتال کو ایک وینٹیلیٹر عطیہ کیا ہے جسکی لاگت کم و بیش سات ہزار یورو ہے۔ مزید اپنے ہموطن جو اپنے گھروں میں قید ہیں اور کام پہ نہیں جاسکتے یا کام چھوٹ گیا ہے انکے لئے ایک امدادی پیکج کا اعلان کیا ہے جس میں کھانے کی بنیادی ضرورت کی اشیاء ہیں ۔ جو فیملیز ضرورت مند ہیں نیچے دیئے گئے ٹیلیفون نمبرز پہ رابطہ کرسکتے ہیں۔ اسکے ساتھ ساتھ جو مخیر حضرات اس کار خیر حصہ ڈالنا چاہتے ہیں وہ بھی انہی نمبرز پہ رابطہ کر سکتے ہیں ۔دعا ہے کہ اللہ کریم اس مصیبت سے نجات عطا فرمائے اور یہ مشکل کی گھڑی ٹال دے۔ اور ہم سب کو آسانیاں تقسیم کرنے کی توفیق عطا فرمائے آمین یا رب العالمین ۔ تمام پاکستانی بھائیوں سے گزارش ہے قوانین کا احترام کریں اور ایک دوسرے کی خبر گیری بذریعہ ٹیلیفون جاری رکھیں اور ایک زندہ قوم ہونے کاثبوت دیں۔ شکریہ

فون نمبرز :

329 1920894 –  329 8999770 – 338 8590581 – 320 3151839

Need Help? Chat with us